Vielha / Baqueira-Beret
Prepara era tua pròxima jornada en Baqueira-Beret damb BASE NORTE. Resèrva eth tòn materiau e recuelh-lo ena nòsta botiga de Vielha, damb conselh entà causir er equip segons eth tòn nivèu, talha e preferéncies.
Dispausam d’esquís e snowboard de gama estandard e premium, e tanben de snowboard damb fixacions Step-On. Pòs logar er equip complet o solament eth materiau que te cau.
Equip d’esquí
Se ès a començar o se ja as experiéncia, t’ajudam a causir uns esquís adequats entà era tua jornada. Ena botiga revisam damb tu era causida de bòtes e materiau abans que partisques entara estacion.
Loga eth tòn equip complet e organiza era recuelhuda en Vielha. Seleccionam era talha deth materiau e ajustam es fixacions damb es donades necessàries entà preparar es tòns esquís. Se ja as part der equip, pòs consultar eth loguèr des elements que te manquen.
Era gama estandard ei pensada entà qui cerque un materiau comòde e maniable entà iniciar-se o gaudir dera pista. Era gama premium ofrís diferentes opcions entà esquiadors que vòlen mès responsa o provar autes sensacions.
Explica-mos com esquies e t’ajudaram a causir entre eth materiau disponible.
Preparam er equip entà mainatges segons era talha e eth nivèu deth mainatge. Te conselham ena causida de bòtes e esquís entà que arribe ara sua jornada de nhèu damb eth materiau adequat.
Equip de snowboard
Causís eth tòn equip de snowboard entà Baqueira-Beret damb er ajut deth nòste equip. Te conselham sus taula, bòtes e fixacions, en tot tier en compde era tua experiéncia e eth tipe de baishades que vòs gaudir.
Pòs reservar er equip complet o consultar eth loguèr per separat. Ena botiga verificam era talha des bòtes e configuram es fixacions segons es tues besonhs abans de liurar eth materiau.
Era gama estandard ofrís ua opcion entà iniciar-te o contunhar a ganhar confiança. Se vòs provar materiau de gama superiora, consulta es nòstes opcions premium e es sues caracteristiques.
Es cambis de modèl pendent eth loguèr son subjèctes a disponibilitat. Demana-mos se vòs comparar diferentes taules pendent era tua estada.
Tanben dispausam de loguèr de snowboard damb sistèma Step-On: fixacions sens corrètges que foncionen damb bòtes compatibles. T’expliquèm com entrar, verificar er ancoratge e gésser deth sistèma abans d’utilizar-lo.
Consulta era disponibilitat dera tua talha e es tarifes especifiques d’aguesta gama.
TARIFES DE LOGUÈR DE MATERIAU
Consulta es tarifes segons es dies de loguèr e era gama de materiau, estandard o premium. Compara es opcions entà adults e mainatges e causís era combinason que te cau.
Se as dubtes sus quin equip causir o te cau logar materiau per separat, t’ajudam a preparar era tua resèrva: contacta damb era botiga de Vielha.
Snowboard Step-On
Sistèma de snowboard damb fixacions rapides sens corrètges, pensat entà entrar e gésser damb mès comoditat sens renonciar a ua subjeccion fèrma pendent era baishada. Ei ua opcion ideau se vòs estauviar temps ath començament de cada baishada, evitar ajustaments constants e mòir-te damb mès fluïdesa pendent tot eth dia enes pistes.
Tanben te calen classes? Combina eth loguèr damb era nòsta escòla e deisha organizats eth materiau e es classes dès eth principi.
Classes particulares e corsets d’esquí e snowboard en Baqueira-Beret entà diferents nivèus.
COMPLETA ETH TÒN EQUIP en BASE NORTE
Pòs logar jaqueta e pantalon amassa o per separat. Consulta es talhes disponibles e resèrva es pèces que te calen entara tua estada.
Dispausam de raquetes damb bastons e accessòris de loguèr, coma cascs e ulhères de tempèsta. Indica-mos es dates e eth nombre de persones entà consultar era disponibilitat.
*S’apliquen descomptes enes raquetes segons es dies de loguèr e eth nombre de persones.
SEGUÍS AGUESTI PASSI
Contacta damb BASE NORTE per WhatsApp e indica quantes persones siatz, es dies de loguèr e se vos calen esquís o snowboard. Ten preparades era nautada, eth pes e eth numèro de pè de cada persona entà ajudar-mos a organizar eth materiau.
Èm ena Av. deth Pas d’Arrò, 10, Vielha. Era recuelhuda se hè ena botiga abans de desplaçar-te entà Baqueira-Beret. Coordinaram damb tu es detalhs dera entrega e verificaram er ajustament der equip.
Ena botiga tanben dispausam de forfets de Baqueira, entà gésser damb er equip e eth forfet a punt sens passar per taquilhes.
Era devolucion se hè abans des 18:30 h deth darrèr dia contractat. Se prevees un retard, avisa-mos entà que poguem organizar era recepcion e preparacion deth materiau.
FAQ
Era recuelhuda e era devolucion se hèn ena nòsta botiga de Vielha. D’aciu pòs desplaçar-te entà Baqueira-Beret damb eth tòn equip preparat.
Òc. Explica-mos se ei era tua prumèra vegada o quina experiéncia as e t’orientaram sus eth materiau. Tanben pòs contractar classes d’esquí o snowboard damb era nòsta escòla en Baqueira.
Òc. Te podem ajudar a organizar eth loguèr e es classes. Consulta es modalitats e condicions en era nòsta pagina d’escòla .
Plan segur! En nòste talhèr de Vielha botam a punt es tòns esquís e era tua taula entà que tornes a gaudir de cada baishada damb ganes. Hèm enceratge, afilat de cantels, reparacion de soles e revision e reparacion de fixacions de snowboard, e tanben ajustaments personalizats segons eth tòn nivèu e sensacions. Vòs ua botada a punt a hons? Eth nòste Complet Premium combine sòla, cantels, enceratge e revision generau. Pòrta eth tòn equip e explica-mos çò que li cau! Revisaram eth materiau damb tu e te confirmaram eth trabalh e eth tèrmini segons era reparacion e era carga deth talhèr. Descorbís toti es servicis en eth nòste talhèr d’esquís e snowboard .
Eth materiau s’a de tornar abans des 18:30 h deth darrèr dia de loguèr.
Se vas a arribar tard, avisa-mos. Compreném que i pòt auer trafic o imprevists, mès mos cau organizar eth trabalh deth talhèr entà revisar e preparar cada equip abans deth loguèr següent.
Se eth materiau se liure dehòra d’orari sens avís previ, s’aplicarà un carg de 10 € per equip.
En hèr era resèrva receberàs per e-mail es condicions deth contracte de loguèr, a on apareishen detalhats es imports aplicables en cas de pèrta o raubatori.
Pendent eth loguèr ès responsable deth materiau que as assignat.
Eth desgast normau forma part deth loguèr. Es damnatges provocats per un usatge inadequat, non.
Se eth materiau resulte damnatjat per un usatge indegut —per exemple, gésser dehòra de pista e trucar contra pèires— auràs d’assumir eth còst dera reparacion.
Se eth damnatge non se pòt reparar, s’aplicarà er import indicat enes condicions deth contracte de loguèr.
Non. Non demanam fiança.
En reservar receberàs e acceptaràs es condicions deth loguèr, a on s’establís era responsabilitat sus eth materiau en cas de raubatori, pèrta o damnatges per usatge indegut.
Era gama Standard ei materiau comòde, fiable e perfècte entà gaudir dera estacion sens complicacions.
Era gama Premium jògue en ua auta liga: esquís e snowboards de gama superiora, damb mès responsa, melhores prestacions e diferentes opcions segons eth tòn nivèu, terren e manèra de lissar.
Se esquies o hès snowboard damb cèrta experiéncia, Premium non ei solament logar materiau: ei causir çò que vòs sentir aqueth dia ena montanha.
Mos agrade plantejar-ho tanben coma un tèst de materiau.
Damb era gama Premium pòs provar diferents esquís o taules pendent era tua estada e, se vòs, cambiar de modèl d’un dia entar aute entà comparar sensacions, descorbir quin tipe de materiau te va melhor o quitament provar quauquarren que penses crompar en futur.
Un dia pòs cercar facilitat e diversion; un aute, mès agarrada, velocitat o responsa.
Madeisha estacion. Materiau diferent. Sensacions diferentes.
Es cambis seràn subjèctes ara disponibilitat de materiau ena botiga.